Minbiziaren Aurkako II. Martxa egingo da Amurrion, irailaren 29an

Izena emateko epea hilabete bereko 19tik 27ra bitartean egongo da zabalik

Izena emateko epea hilabete bereko 19tik 27ra bitartean egongo da zabalik

Minbiziaren Aurkako II. Martxa irailaren 29an egingo da, “Amurrio Aecc martxan” leloarekin. Aurreraka Emakumeen Elkarteak antolatu du eta irabaziak AECC Minbiziaren Aurkako Espainiako Elkartearentzat izango dira. Irteera 10:30ean izango da, Amurrioko Juan Urrutia plazatik; helmuga ere leku berean izango da. Izen-emateak 10 € balioko du eta irailaren 19tik 27ra arte egin daiteke. Horretarako, Amurrioko Kultur Etxera bertaratu behar da (Landako 8), astelehenetik ostiralera, 11:00etatik 13:00etara. Edo, bestela, online egin daiteke, izen-abizenak eta NAN zenbakia bidaliz helbide elektroniko honetara: amaurreraka@gmail.com. Bestetik, hilaren 22an ere izena eman ahalko da San Anton inguruan jarriko den postuan, asteroko azokatik gertu, eta irailaren 22an, Artzain Egunean. Transferentzia bat egin behar da kontu-zenbaki honetara: ES6030350089180891100221 (kontzeptua: izen-abizenak). Ekarpen guztiak minbiziaren aurkako ikerketara bideratuko dira oso-osorik. Martxa oinez edo korrika egin daiteke. Martxa ludikoa eta kirol-girokoa da, lasterketa izan gabe, eta AECCri lagundu nahi dioten pertsona guztiek har dezakete parte. Izen ematearekin kamiseta, motxila eta pintxo-potea dakar.