Oharrak

2015eko abenduaren 31ra bitartean, borondatez ordaindu ahalko dira zenbait zerga: Ondasun Higiezinen gaineko Zerga (OHZ), batetik, eta udal-hilerria mantentzeagatiko, landa-lurreko udal-ondasun higiezinak (ortuak eta apurtuneak) luberritzeagatiko eta erabilera publikoko mendietako bazkalekuak aprobetxatzeagatiko tasak, bestetik. Zerga-zorren ordainketa helbideratu gabe duten zergapekoek Laboral Kutxaren bulegoetan ordain ditzakete zergak (Mendiko kalea, 1, Amurrio), astelehenetik ostiralera, 08:30etik 10:30etara, adierazitako epean. 

Azaroaren 6ra arte, zabalik egongo da seme-alabak jaiotzeagatik edo adoptatzeagatik laguntzak jasotzeko eskaerak aurkezteko epea. Amurrioko Udalak egin du deialdia, 2014ko jaiotza berrien gizarte-babesa zabaltzeko eta osatzeko, jaiotza-tasa sustatze aldera.

Horretarako, 2015eko aurrekontuan 10.000 euroko partida bat gaitu da. Udal-bulegoetan, jendearen eskura daude horrelako laguntzak ematea arautzen duten oinarriak. Iaz, Amurrioko udaletxean laurogeita hemeretzi haurtxoren jaiotzak erregistratu ziren; horietatik berrogeita hamalau neskak izan ziren, eta berrogeita bost, mutilak.

Administrazio-batzarrek urriaren 31 arte dute hondakinak kudeatzeko 2015eko 2. hiruhileko tasaren agiriak ordaintzeko. Amurrioko Udaleko Diru-bilketa Zerbitzuan ordainduko dira zerga-zorrak, 09:00etatik 14:00etara. Epe hori igarotakoan, administrazio-premiamendua betearazteko prozedura abiaraziko da, bat etorriz Diru-bilketari buruzko indarreko Araudi Orokorrean xedaturikoarekin. Hala, ordaindu gabeko kuotak gehienez ere % 20ra arteko errekarguarekin kobratuko dira, eta errekargu hori luzapenekoarekin bat etorri ahalko da.

Urriaren 31n amaituko da 2015eko bigarren hiruhileko uraren, hondakinen eta estolderiaren agiriak ordaintzeko epea, administrazio-batzarrentzat izan ezik. Ordainagiriak helbideratu gabe dituzten zergapekoek Caixabanken bulegoetan ordain ditzakete zerga-zorrak (Elexondo kalea, 21 Amurrio), astelehenetik ostiralera, 08:15etik 14:00etara, adierazitako epean. Ur-zerbitzuarekin loturiko edozein zalantza argitzeko, Kantauriko Urkidetzak Amurrioko udaletxeko 3. solairuan dituen bulegoetara jo behar da.

irailaren 15ean eta 16an, Udal Dantza Eskolako arduradunak prest egongo dira 2015-2016 ikasturteko matrikula egin nahi duten pertsona guztien zalantzak argitzeko. Kontsultak Amurrio Bañueta Kiroldegiaren ballet aretoan egin daitezke 17:00etatik aurrera. Gainera, eskolan matrikulatuta dauden pertsona guztientzat, ikasturte hasierari buruzko informazio bilera egingo da irailaren 29ko19:00etan, leku berean.

Amurrioko Helduen Hezkuntza Iraunkorrak (HHI) berriz zabalduko du matrikulazio-epea irailean, 2015-2016 ikasturteko lehenengo lauhilekorako. Ikastaro hauek eskainiko dira: testuak irakurtzea eta ulertzea, oinarrizko informatika, gaztelania atzerritarrentzat, ingelesa, euskara eta Derrigorrezko Bigarren Hezkuntzako graduatua. Ikastaro horiei prestakuntza-programa ez arautu hauek gehitu behar zaizkie: ingelesa eta oinarrizko informatika. Informazio gehiago lortu eta matrikula egiteko, jarri harremanetan Amurrioko HHIko zentroarekin (helbidea: Landaburu kalea 11-13; telefono-zenbakia: 945892620).

Irailaren 4a arte, Kultur Etxean, Amurrioko Udal Arte Eskolako ikastaroetan matrikulatzeko epea, zabalik dago.

Amurrioko Udalak onetsi egin du Hiri Lurren Balio Gehikuntzaren gaineko Zerga (udal-gainbalioa ere esaten zaio) arautzen duen ordenantzaren aldaketa. Bi aldaketa egin dira. Alde batetik, udal-ordenantza egokitu egin da, hipoteka-exekuzioaren zein ordainean ematearen kasuan, gainbalioaren zerga pertsona fisikoari edo juridikoari edo lursaila edo higiezina erosten duen erakundeari kobratzeko. Kasu gehienetan banketxeak izaten dira.

Beste alde batetik, murriztu egin da zerga horren karga. Gainbalioaren gaineko zerga honako hauen mende dago: lursailaren edo higiezinaren katastro-balioa (Arabako Foru Aldundiaren eskuduntza) eta karga-tasa (Amurrioko Udalak arautzen du). Duela zenbait urtetatik, gainbalioaren zerga kobratzean hobaria ematen da; izan ere, Udalak uste zuen, azken katastro-berrikuspena 2008an izan zenez eta lursailek eta higiezinek balio handiegia zutenez higiezinen burbuila erori ondoren, zergaren % 40ko hobari orokorra ezartzen zela, desoreka hori arintzeko. Legearen arabera, hobari hori azken katastro-berrikuspenaren ondorengo bost urteetan bakarrik ezar daiteke. Hori dela eta, 2015ean jada ezin da hobaria eman zerga horretan. Arabako Foru Aldundiaren arabera, 2017an izango da hurrengo katastro-berrikuspena; beraz, ez 2015ean, ez 2016an, ezingo da murrizketa hori ezarri. Horretarako, Amurrioko Udalak 2015ean eta 2016an aldi baterako jaitsiko du zerga horren karga.

 

Maiatzaren 4tik 13ra zabalik egongo da Tantaka eta Tipi-Tapa haureskola publikoen matrikulazio epea 2014an eta 2015ean jaiotako umeek matrikula aurkezteko aukera izando dute, irailean urrian eta azaroan hasteko.

Amurrion, eguneratu egin dira Bañueta Kiroldegiko tarifak.

% 0,1 igo dira udal kiroldegi horretako zerbitzuak emateagatiko eta kirol-instalazioak erabiltzeagatiko tarifak. Tarifa horiek, zehazki, honako hauei dagozkie: sarrerak eta hamabost egunerako edo hilabeteko bonuak, matrikulak, hilabeteko kuotak, instalazioak alokatzea (kirol-pista, igerilekua, gimnasioa, erabilera anitzeko aretoa...), masajeak eta kirol-jarduerak, urte osokoak zein hiruhileko batekoak.

Orriak