Oharrak

2016ko abenduaren 31ra arte zenbait zergari dagozkien ordainagiriak borondatez aurkezteko epea egongo da. Zehazki, Ondasun Higiezinen gaineko Zergari (OHZ), udalerriko hilerria mantentzeko tasei, udalerriko landa-higiezinen luberritzeari (baratzeak eta luberritzeak) eta erabilera publikoko mendietan larreak aprobetxatzeari (larreak) dagozkienak dira. Beren zerga-zorren ordainketa helbideratuta ez duten pertsona zergadunek horiek gauzatu ahal izango dituzte Amurrioko Mendiko kalea 1 helbideko Laboral Kutxaren bulegoetan; astelehenetik ostiralera, 8:30etik 10:30era, aipatu epean.

Amurrioko parrokietako gizarte eta karitate sailak elikagaiak jasoko ditu udalerrian beharrak dituzten pertsonei laguntzeko. Elikagaien bilketa azaroaren 7tik 30era bitartean egingo da, astelehenetik larunbatera. Santa Maria parrokian 18:00etatik 20:00etara jasoko dira elikagaiak, eta San Jose parrokian 19:00etatik 19:30era. Antolatzaileek aldez aurretik eskertu nahi dute ekarpenak egiten dituzten pertsonen eskuzabaltasun.

recogida alimentos

Urtero bezala, perretxikoen sasoi betean gauden honetan, Arriola Mikologia Elkarteko kideak amurrioarren esanetara egongo dira, haien zalantzak argitzeko edota aleak identifikatzen laguntzeko. Interesdunek Kultur Etxera jo dezakete urritik abendura arteko astelehen guztietan, 19:00etatik 20:00etara bitartean.

Azaroaren 2an zabalduko da Larrinbeko ur-horniduraren eta estolderiaren zerbitzuagatiko 2016ko hirugarren hiruhilekoko tasak ordaintzeko epea. Amurrion, berriz, azaroaren 10ean kobratuko dira zerbitzu horiengatiko ordainagiriak. Kasu bietan, ordainketa helbideratu gabe duten zergapekoek Caixabanken bulegoetan ordaindu ahal izango dituzte tasak (Elexondo kalea 21), astelehenetik ostiralera, 8:15etik 14:00etara bitartean, fakturan bertan adierazitako epean.

Baranbion gripearen aurkako txertoa emango da urriaren 27an, aurretik ordurik eskatu beharrik gabe, 12:00etatik 15:00etara, Baranbioko mediku-kontsultategian.

Amurrioko Zankueta abesbatzak eman dio hasiera ikasturte berriari. Entseguak asteazkenetan egiten dituzte, 18:30etik 20:30era, Kultur Etxean. Interesdunek gizarte- eta kultura-zentro horretan eman dezakete izena, eta abesbatzaren jarduera hobeto ezagutu nahi badute, entseguetara gerturatu eta zertan datzan ikus dezakete. Horrenbestez, abesbatzak interesa duten pertsona guztiak gonbidatzen ditu, inolako konpromisorik gabe, taldearekin bat egitera.

Laster irekiko da Amurrioko Udalak euskara sustatze aldera herritarrei ematen dizkien diru-laguntzen eskaerak aurkezteko epea. Eskaerak urrian aurkeztu behar dira, eta herritar interesdunei eskatzen diegu eskaera erregistratu aurretik lehen solairuan dagoen Euskara Zerbitzura eramateko, bertan egiazta dezaten. Hori urriaren 31 baino lehen egin behar da, eskaera onartua izan dadin.

Matrikula irekia, Udaletxean kultura sailan

Irailak 19 eta 20: ate irekiko jardunaldiak Bañueta kiroldegian. 17:00etatik 19:00etara

Irailak 30, 17:00etan, Kurtso hasiaren bilera, Bañueta kiroldegian.

 

Izena emateko datak bazkideentzat zein bazkide ez direnentzat: Hiru hileko ikastaroak irailaren 19tik 22ra bitartean; urteko ikastaroak: irailaren 26tik 29ra bitartean eta ikasturte hasiera urriaren 3an

Arabako Foru Aldundiaren Gizarte Zerbitzuen Sailak eta Gizarte Ongizaterako Foru Erakundeak ireki dute desgaitasun-egoera aitortuta duten pertsonei zuzendutako banakako laguntzak emateko deialdi publikoa. Amurrion, Udalaren Oinarrizko Gizarte Zerbitzuaren bidez izapidetu daiteke, irailaren 16ra arte.

Orriak