Oharrak

Udal Dantza Eskolan apuntatzeko interesa dutenek denboraz daude. Interesatuek Udaletxeko Kultur arlora joan behar dute inskripzioa egitera. Hemen behean egutegia, ordutegiak eta taldeak kontsultatu ditzakezu.

Kurtso hasierako bilera asteazkenean, irailaren 26an, 18:00etan izango da Udal dantza eskolaren egoitzan, kiroldegian. Hastapenak 0-4, 18:00etan eta hasatapenk 5 eta Dantza, 18:45etan.

Urriaren 31ra arte kobratu ahal izango dira 2018ko lehen hiruhilekoari dagozkion zabor-zerbitzuaren tasak.

Ordainketa helbideratu ez duten zerga-ordaintzaileek Laboral Kutxan  ordaindu ahal izango dute tasa.

Epea bukatzen denean, premiamendu bidezko betearazte-prozedura administratiboa abiatuko da, ordaindu ez diren kuotak kobratzeko; horiei % 20 arte gehituko zaie.

Aztarna Etnografia Elkarteak formatu handiko 50 argazkiko bilduma bat jarriko du ikusgai Amurrioko zaindariaren jaietan, La Casonan.

Amurrioko Udalak herritarrei gogorarazten die, segurtasun-arrazoiak direla eta, debekatuta dagoela bost urtetik beherako haurrak igotzea abuztuaren 16an, San Roke jaietan, egingo desfileko kuadrillen karrozetara.

Amurrioko HHE Helduen Hezkuntzaren Zentroak ekain honetan irekiko du 2018/2019 ikasturteko lehen lauhilekoan matrikulatzeko epea. Eusko Jaurlaritzaren mendeko zentro publiko bat da, eta doako eskolak ematen dizkie helduei. Ikastaro hauek eskainiko dira: testuen irakurketa eta ulermena, oinarrizko informatika, gaztelania atzerritarrentzat, ingelesa, oinarrizko euskara eta DBHko graduatua. Arautu gabeko prestakuntza-programak ingelesa eta informatika dira, biak oinarrizko mailan. Informazio gehiago nahi izanez gero, jo HHE zentrora (Landaburu kalea, 14-16) edo deitu 945892620 telefonora.

Irekita dago Amurrion eta Larrinben 2018ko 1. hiruhilekoko ur-horniduraren zerbitzua eta estolderia-zerbitzuagatiko tasa ordaintzeko epea. Ordainketa helbideratu ez duten pertsonek Caixabankek Elexondo kalea 21 helbidean duen bulegoan ordaindu ahal izango dituzte tasak, astelehenetik ostiralera, 08:15etik 14:00etara, fakturan bertan ageri den epean.

Ekainaren 15era arte eska daiteke 2018ko Amurrioko jaien egitarauan alta edo baja emateko, Amurrioko Udaleko Jaien Arloan. Halaber, daturen bat, telefonoren bat edo dena delakoa aldatzeko aukera ere egongo da. Horrenbestez, gomendatzen da 2017an argitaratutako gida kontsultatzea, behar diren aldaketak egiteko.

Aiara emakidaren 15 eta 16 lineen ordutegiak eguneratu egin dira. Ordutegi berriak Deskargak ataleko liburuxketan eta web orrialdeko bilatzailean aurki ditzakezu. Aldaketa hauek ez dute eraginik irteerako ordutegietan.

Horrez gain, dokumentu honetan, autobusen udako ordutegia ere agertzen da, uztaila eta abuztuko hikabeteetakoa.

Ficheros:

Amurrio Arabako Odol Emaileen Egunaren egoitza izango da ekainaren 10ean. Udalerri honetan bazkarian eta janaurrekoan izena emateko epea ireki da; 685704963 telefono-zenbakira deituta egin daiteke. Prezioa 32 €-koa da. Gure udalerria izango da probintzia-mailako odol-emaileen jaiaren ardatza. Jaia ekainaren 10eko 10:30ean hasiko da, San Anton plazan prestatuko den janaurrekoarekin. Ondoren, Arabako Odol Emaileen Elkarteak batzarra egingo du Katekesian; zehazki, 11:00etan. Jaiak Santa Maria parrokian jarraituko du; bertan, meza egingo da 12:30ean. Eta eguna borobiltzeko, senidetasun-bazkari bat egingo da Amurrioko Matias de Landaburu kiroldegian.

Kaskagorri Amurrio Futbol Taldeak eta Amurrio Etorkizuna taldeak izena emateko epea ireki dute maiatzaren 31ra arte, 2018/2019 denboraldian oinarri-futboleko taldeetan parte hartu ahal izateko. Gazteen kategoriako izen-emateak Kaskagorri Amurrio Futbol Taldea kirol elkartearen bidez egin behar dira. Kaskagorri taldeak kategoria hauek ditu: haurrak (2005-2006), kadeteak (2003-2004) eta gazteak (2000, 2001 eta 2002). Eta Amurrioko Etorkizuna taldeak, honako hauek: 1. mailako kimuak (2007), 2. mailako kimuak (2008), 1. mailako benjaminak (2009), 2. mailako benjaminak (2010) eta aurrebenjaminak (2011 eta 2012). Izen-ematea 50 €-koa da. Izena emateko Amurrioko CaixaBanken bulegoetara joan behar da, astelehenetik ostiralera eta goizeko ordutegian. Kirolaren arloko arrazoiak direla eta, izen-emate guztiak programatutako egunetan egingo dira. Eta ekainean kategoria ezberdinetako plantillak osatuko dira.

Orriak