Oharrak

Ireki da Amurrioko erabilera publikoko mendietan larreen aprobetxamendua eskatzeko epea. Oraindik izapidea egin ez duten eta 2019an Amurrioko erabilera publikoko mendietako larreak erabili nahi dituzten abeltzainek dagokion eskaera aurkeztu beharko diote Amurrioko Udalari. Epea azaroaren 16ra arte egongo da irekita, 09:00-14:00 ordutegian.

Udaleko Nekazaritza, Abeltzaintza, Mendiak eta Ingurumena Sailean (udaletxeko 3. solairuan) eskaera-ereduak daude eskuragarri, interesdunek 2019 ekitaldirako Amurrioko erabilera publikoko mendietako larreen aprobetxamendua eska dezaten.

Juan de Aranoa Udal Arte Eskolak 2018-2019 ikasturtea hasi du. Hala ere, oraindik zenbait toki daude pintura- eta artisautza-ikastaro batzuetan, eta posible da oraindik ere horietan izena ematea. Hauek eskaintzen dituzte: heldu eta haurrentzako pintura-eskolak, ehoziri eta kakorratz-eskolak, errusiar portzelana, egur-zizelkatze artistikoa, marketeria, saskigintza, zeramika eta moldatzea, larru artistikoa eta larrukigintza, patchwork, joskintza, eta soinekogintza. Informazio gehiago eskuratu nahi izanez gero, jo Kultur Etxera (telefono-zenbakia: 945891450) edo udaletxeko lehen solairuan dagoen Udaleko Kultur Sailera (telefono-zenbakia: 945891161).

Baranbioko Administrazio Batzordeak Garrastatxuko txosnaren kudeaketa enkantean jarriko du datorren abenduan. Baldintzei buruz gehiago jakiteko, interesdunek 606931091 telefono-zenbakira dei dezakete.

Amurrion herritar guztientzako bilera bat deitu da  2019ko jaiak prestatzeko. Bilkura azaroaren 5ean egingo da, 18:30ean, Kultur Etxean.

Amurrion herritar guztientzako bilera bat deitu da  2019ko inauteriak prestatzeko. Bilkura azaroaren 5ean egingo da, 17:30ean, Kultur Etxean.

Laburpena, Amurrioko Udalaren tokiko gobernu batzarrak irailaren 27an hartutako Erabakiarena, zeinaren bidez dirulaguntza deialdia egin baita 2017an seme-alabak izan edo adoptatu dituztenentzat

https://www.araba.eus/botha/Boletines/2018/117/2018_117_03726_E.pdf

Amurrioko Udaleko Tokiko Gobernu Batzordeak 2018ko irailaren 20an hartutako erabakiaren laburpena; horren bidez deialdia egiten da 2018an egoera guztiz zaurgarrian dauden herrialdeetako haurrak udan Amurrion hartzeko programetarako dirulaguntzetarako.

https://www.araba.eus/botha/Boletines/2018/115/2018_115_03650_E.pdf

Urriaren 8an (astelehena), bilera bat egingo da Nagusi Etxea zentroan. Bileraren helburua da Amurrioko nagusientzako aisialdi- eta kultura-jardueren programazioa aurkeztea. Horrez gain, sortuko den Nagusien Kontseiluari buruzko hainbat alderdi landuko dira. 17:30ean hasiko da.

Bihar, irailaren 28an ostirala, 12.00etan Kultur Etxean, Juan de Aranoa Arte Eskolako haurren pintura tailerreko taldeen zozketa egindo da.

Gaur egun eremu guztietako udal-baratzeak eta hausturak erabiltzen dituzten pertsonek irailean egin dezakete erabilera berritzeko eskaera. Erabiltzaile izaten jarraitu nahi dutenek Amurrioko Udalaren Erregistro Ofizialera jo beharko dute. Bertan eskaera-eredu bat emango diete, eta hori bete eta sinatu egin beharko dute. Udalak erabilera berritzeko errekerimendu espezifikoa egin ondoren, erabiltzaileren batek eskaerarik egiten ez badu horretarako ezarritako epean, baja eman dakioke. Gauza bera gertatuko da bi urtez jarraian erabilera berritzen ez bada, nahiz eta Udalak horretarako errekerimendurik ez egin. Urtero bezala udal-baratzeak ikuskatu dira eta Udalaren esku geratuko direnak zehaztu dira, izan landu gabe daudelako, izan erabilera desegokia dutelako. Hala, laborantzarako lursail horiek prest geldituko dira lehen aldiz erabiltzeko eskaera egiten dutenei lagatzeko.

Orriak