Oharrak

Euskadiko Applus Iteuveren unitate mugikor bat Amurriora etorriko da martxoaren 27an Ziklomotorren Azterketa Teknikoa pasatzeko aukera emateko. Zita 9:30etan izango da Maskuribai Industrialdeko B7 pabiloian. Azterketaren prezioa 28,17 € da.

Musika Eskolak datorren martxoaren 22an Ukelele tailerra antolatuko du, Ukelab.es-ek emana. Lekuak mugatuak dira, beraz lehen bait lehen eman ezazue izena. Tailerra musika eskolan izango da, arratsaldeko 18.00etan, eta bi ordu inguruko iraupena izango du. Ez da derrigorrezkoa ukelea eroatea, bertan egogo baitira. Izen ematea martxoak 20ra arte zabalik egongo da. Azkar ibili izena ematen!

 

Prezioa 42,14 eurokoa izango da

Applus Iteuve Euskadi elkarteak nekazaritza-ibilgailuen aldizkako ikuskapenen urteroko kanpaina abiaraziko du Amurrion. Horretarako, ibilbide bat egingo dute hainbat gunetatik. Udalerriko nekazaritza-ibilgailuen jabeei ikuskapena gune bakoitzerako aurreikusitako egun eta orduan egitea gomendatzen diete, eta, ahal bada, ordainketa zehatzak egitea. Ikuskapen bakoitzak 42,14 euroko prezioa izango du.

Lekua                     Data                     Ordua

Amurrio                martxoak 11            11:00etan

Lezama                martxoak 14            08.30ean

Larrinbe               martxoak 14             11.30ean

Lekamaña            martxoak 14            13.30ean

Aloria                    martxoak 14            14.00etan

Artomaña              martxoak 14           14.30ean

Delika                    martxoak 15           11:00etan

Saratxo                 martxoak 18            09.00etan

Tertanga                martxoak 18           11:00etan

Baranbio                martxoak 20           10.30ean

Martxoaren 4an, astelehena, hasiko dira, Amurrion, apirilaren 27an San Prudentzioko 2019ko danborradan parte hartzeko entseguak. Entseguak astelehenero izango dira, 19:30etik aurrera, Udal Pilotalekuan, apirilaren 22ra arte. Parte hartu nahi duten guztientzat irekita dago, inoiz jo ez badute ere, hastapen-eskolak egongo baitira. Horregatik, festetako ekimen honetan parte hartzera animatzen zaituztegu.

Martxoan 2an sskatu ahaleko geralekuak gauez martxan jarriko da.

Otsailaren 28ra bitartean kobratuko dira 2018ko bigarren hiruhilekoari dagozkion zabor-tasak. Ordainketa helbideratu ez duten zergadunek Laboral Kutxa bankuaren bulegoan egin dezakete ordainketa (Mendiko kalea). Zehaztutako epea igaro ondoren hasiera emango zaio administrazio-premiamenduaren prozedurari, eta ordaindu ez diren kuotak kobratuko dira % 20ra bitarteko karguarekin.

Otsailaren 25ean 2018ko laugarren hiruhilekoari dagozkion ur- eta estolderia-tasak kobratuko dira Amurrion, Larrinben, Baranbion eta Lekamañan. Ordainketa helbideratu ez duten zergadunek Caixabank bankuaren bulegoan egin dezakete ordainketa, astelehenetik ostiralera 8:15etik 10:15era, fakturan zehaztutako epean. Bulegoa Amurrioko Elexondo 21 helbidean dago.

Aurreraka Emakumeen Elkarteak elkarguneei heldu die berriro ere; guneak aisialdi jarduerak partekatu nahi dituzten (kafe bat hartu, paseatu, dantza egin, zinemara joan, txangoak egin, antzokira joan) lagunei zuzentzen zaizkie, bakarrik nahiz lagunduta. Helburua elkarrekin tarte atsegina pasatzea da. Hurrengo topaketa otsailaren 13an egingo da, 19:00etan, Nagusi Etxean.

Amurrioko Ziklismo Taldeak otsail bukaerara arte ireki du Ormaetxeako Ziklismo Eskolan izen-ematea formalizatzeko epea. Zehazki, kategoria hauetan: benjaminak (2009an eta 2010ean jaiotako haurrak), kimuak (2017an eta 2008an jaiotakoak) eta haurrak (2005ean eta 2006an jaiotakoak. Ziklismo Taldetik bereziki neskei egiten diete taldearekin bat egiteko deia; izan ere, eskolako hogei kideen artean, neska bakarra dago. Entrenamenduak martxoan hasiko dira, ekainera arte. Ondoren, udako geldialdia egingo da, eta, gero, irailetik urrira bitartean, entrenatzen jarraituko dute. Entrenamenduak, normalean, astearte eta ostegunetan izaten dira, 18:00etatik 20:00etara.

Jaietako kultura, kirol eta kuadrillen taldeek otsailaren 15era (ostirala) arte aurkez ditzakete jaietarako egitaraua eta aurrekontua, 2019ko Amurrioko zaindariaren jaietan zehar jarduerak gauzatzeagatiko diru-laguntza jasotzeko. Informazio gehiagorako udaletxeko bulegoetara (Amurrioko Juan Urrutia plaza) jo daiteke.

Orriak