Oharrak

Amurrioko Udal Musika Eskolak 2017-2018 ikasturteko matrikulak egiteko epea zabaldu du: jada ikasle direnak maiatzaren 15etik ekainaren 16ra bitartean matrikula daitezke, eta ikasle berriak, berriz, maiatzaren 22tik ekainaren 16ra bitartean. Bulegoa irekita egongo da astelehen, asteazken eta ostiraletan, 12:00etatik 13:30era, eta astelehenetik ostegunera, 15:30etik 19:30era. Informazio gehiago nahi izanez gero, jarri harremanetan 945891003 telefono-zenbakira deituta, musikaeskola@amurrio.org helbide elektronikora idatzita edo http://escuelademusicaamurrio.weebly.com/ webgunera sartuta.

Truke Azokarako objektuak maiatzaren 15etik 18ra bitartean entregatu ahal izango dira, honako leku hauetan: Amurrioko udaletxean (09:00etatik 14:00etara), Udal Liburutegian (10:00etatik 13:00etara eta 17:00etatik 20:00etara) eta ikastetxeetan (eskola-orduetan). Azoka maiatzaren 19an egingo da, Amurrioko Juan Urrutia plazan. Liburuak, jostailuak, CDak eta DVDak trukatuko dira. Ez da objektu apurtu edo zikinik onartuko. Pertsona bakoitzak gehienez hiru objektu eraman ahal izango ditu.

Amurrioko Udaleko Pertsona Nagusien Arloak, Amurrio Lagunkoia Programaren barruan, udalerriko lagunkoitasun maila ezagutzeko inkesta abiarazi du.

Inkesta edo galdetegi horrek 8 gai nagusi jorratzen ditu: aire libreko espazioak, garraioa, etxebizitza, parte-hartzea eta gizarte-sareak, herritarren parte-hartzea, enplegua, errespetu eta inklusioa, komunikazio eta informazioa, gizarte zerbitzuak eta osasuna.

Galdetegiaren helburua udalerriko lagunkoitasun mailaren datu kuantitatiboak lortzea da eta maiatzean zehar gauzatuko da.

Eskuragarrri dago inkestak.amurrio.org-en; baita Bañueta kiroldegian, Kultur Etxean eta Udaletxean ere. Maiatzaren 19 eta 21ean, asteroko azokan eta Txakolin Egunean ere bete ahalko da.

http://inkestak.amurrio.org/index.php/surveys/publiclist?lang=eu

encuesta

Maiatzaren 2tik aurrera ordaindu ahalko dira Amurrion eta Larrinbeko Administrazio Batzordean ur-hornidura eta estolderia zerbitzuak emateagatiko tasen ordainagiriak, 2017 urte honen 1. hiruhilekoari dagozkionak. Ordainketa helbideratuta ez duten zergadunek Amurrioko Elexondo kaleko 21. zenbakiko Caixabanken bulegoetan egin ahal izango dute ordainketa, astelehenetik ostiralera, 08:15etik 14:00etara, eta fakturan adierazitako epearen barruan.

Gogorak, Eusko Jaurlaritzako Memoria, Elkarbizitza eta Giza Eskubideen Institutuak, Gerra Zibilean Euskadin desagertutakoen DNA bankua handitzeko proiektua abiarazi du. Kanpaina honen bidez, gerra hartan senideren bat galdu izana adierazten dutenen DNA laginak jasoko dira, gaur egun eta etorkizunean gorpuak lurpetik ateratzen direnean erkaketak egin ahal izateko. Euren DNA atera eta azter dadila nahi dutenek Gogorarekin jar daitezke harremanetan, telefono honetan (944032846) edo helbide elektroniko honen bidez (gogora.idazkaritza2@euskadi.eus).

Amurrioko Udalak ekainaren 3an izango den Euskaraz Bizi Nahi Dut Eguna 2017ko programa prestatzeko deialdi irekia antolatu du. Prestaketa bilera apirilaren 24an izango da 17:30ean Udaletxeko lehenengo solairuko 1.go bilera gelan (gizarte eta kultur zerbitzuak).

Frontoi kaleko egokitzapen lanen bigarren fasearen hasiera dela eta, zeinak aipatu kalearen zeharkako zatiari eragiten dion, ezinbestekoa da ezohikoak diren  neurri batzuk hartzea: 

  1. Frontoi kaleko aipatu zatia trafikoari ixtea.
  2. Frontoi kaleko lanik gabeko zatia zirkulaziorako norantza bikoitzeko bide baten bihurtzea (irteerarik gabekoa), bertara sartu eta irtetea Jose Madinabeitia kaletik burututa.
  3. Lanik gabeko zatiaren sakoneko intersekzioa (Lourdes Ugarte ileapaindegiaren parean) norantza aldaketa burutzeko biraketarako erabiliko da.
  4. Lanegunetan 08:00etatik 20:00etara eta larunbatetan 08:00etatik 14:00etara lanik gabeko zati honetara soilik karga eta deskargarako sartu ahal izango da  bertako merkatal dendetako salgaien horniketarako, horretarako etxebizitza bakoitien parean dauden aparkalekuak mantenduta. 
  1. Norbanakoek lanik gabeko eremuan eta etxebizitza bakoitien parean dauden aparkalekuetan aparkatzeko aukera izango dute honako ordutegi honetan:
    1. Lanegunetan 20:00etatik hurrengo eguneko 08:00etara.
    2. Larunbatetan 14:00etatik hurrengo eguneko 08:00etara.
    3. Igande eta jaiegunetan 08:00etatik hurrengo eguneko 08:00etara.

 Eraginpeko zatira sartzeko edozein beharrizanen aurrean Udaltzaingoarekin jarri beharko da harremanetan eta honek ahalik eta azkarren erraztuko du sarbidea (Tlfno zk.: 945038260 /636469288).

 Auzokide guztien laguntza eskertzen da, eta bereziki, Frontoi kalean bizi direnena.

calle fronton

ayto

2017ko otsailaren 23an izandako bilkuran, Amurrioko Udaleko Tokiko Gobernu Batzarrak erabaki zuen 2016ko ekitaldirako onartutako lan eskaintza publikoak zekartzan bi plazak oposizio-lehiaketa bidez eta barne igoeraz betetzeko hautaketa prozedurari dagozkion deialdia eta oinarri arautzaileak onartzea. Oinarriak 2017ko martxoaren 22ko ALHAOan, 34zk.an, argitaratu dira eta deialdia 2017ko martxoaren 29ko BOEan, 75.zkan.

https://www.araba.eus/botha/Boletines/2017/034/2017_034_00899_E.pdf

 https://www.boe.es/boe_n/dias/2017/03/29/not.php?id=BOE-N-2017-190835

 

 

Apirilaren 30era bitarte kobratuko dira 2016ko hirugarren hiruhilekoko zaborren zerbitzuaren tasen ordainagiriak Administrazio Batzarretan. Helbideratu gabeko ordainketak Amurrioko Zerga-bilketako Bulegoan egin daitezke (udaletxeko beheko solairuan). Epe hori amaitutakoan, premiamendu administratiboko prozedura exekutiboari ekingo zaio, eta ordaindu ez diren kuotak % 20ra arteko errekarguarekin kobratuko dira.

Amurriok 2018ko Baso Espediente Bakarra onetsi du; bertan jasotzen dira baso-ustiapenei buruzko jarduketak eta auzo-larre, luberri eta ehiza-barrutiei buruzko erabilera orokorrak. Zurgai diren ustiapenen artean honako hauek jasotzen dira: insignis pinuaren 1. garbiketa El Huevon, El Pendienten eta Pagatxan; itsas pinuaren 2. garbiketa Goikomendin eta Kuxkumendun; eta insignis pinuaren amaierako mozketa Elexar, San Roque eta Izarza gorosti-basoan.

Orriak