Noticias

Maiatza 2016

Ekainaren 9an jardunaldi bat egingo da ReforAmurrio Enpresaldean, Interneten marketing-estrategia bat nola definitu azaltzeko

Ekainaren 9an, 16:00etatik 18:15era, Amurrio Bideanek Araba Enpresa Digitalarekin elkarlanean antolatu ohi dituen Ostegun Digitalen beste edizio bat egingo da. Oraingo honetan, sareko marketingari buruzko gaiak jorratuko dituzte. Jardunaldia enpresentzat, autonomoentzat edo ekintzaileentzat eta gai horretan interesa duen ororentzat izango da, eta helburua da Interneten marketing-estrategia koherente bat nola egin ikastea.

Amurriok euskararen inguruko jaia ospatuko du larunbat honetan

Euskaraz Bizi Nahi Dut Eguna eta Euskal Jaia ospatzeko egitarauan hainbat jarduera bildu dituzte aurten, larunbat honetarako (maiatzaren 21a). Bi ekitaldiak egun berean egingo dira, euskararekin eta gure kulturari balioa ematearekin lotutako guztia sustatzeko.

Amurrioko erraldoiak udaletxeko sarreran egongo dira maiatzaren 16tik aurrera.

Fabian de Mariaka eta Marigabon, Amurrioko Udalaren erraldoi bikotea, udaletxeko sarreran egongo dira maiatzaren 16tik aurrera.

Saratxok Antiguaren ohorezko jaia ospatuko du

Aurten ere, Saratxok Antiguako Ama Birjinaren jaia ospatuko du, maiatzaren 15ean, igandean. Egun horretan, Fideltasun Botoa berrituko du; ohitura XVIII. mendetik dator.

Amurrioko Eskolako Agenda 21ek zenbait ekintza proposatu ditu materia organikoaren kudeaketa hobetzeko

Ikastetxe hauetako ikasleek hogei eskaera inguru bildu dituzte: Virgen Niña, Zabaleko, Aresketa ikastola, Zaraobe institutua eta Lukas Rey.

#GazteEkin, Aguake arroilaren jaitsiera

Gazteentzako euskarazko aisia-programaren hurrengo irteera hilaren 22an, igandean, izango da. Prezioa 17,68 eurokoa da Amurrion, Aiaran, Artziniegan eta Urduña erroldatutakoentzat eta 32,74 eurokoa erroldatu gabekoentzat, baldin eta euren udalek diruz laguntzen ez badute. Amurrioko Kultur Etxean, Urduñako Euskara zerbitzuan, eta Artziniega Udaletxean eman daiteke izena

Baserritarren azoka tokiz aldatuko da maiatzaren 13an, eta Iturralde kaleko oinezkoen gunean egingo da

Maiatzaren 13tik aurrera, egun Juan Urrutia plazan egin ohi den baserritarren azoka tokiz aldatuko da, eta Iturralde kaleko oinezkoen gunean egingo da.

Ireki da emakumeentzako autodefentsa-ikastaroan izena emateko epea

Ikastaroa ekainaren 3an eta 4an izango da.

Arabako Foru Aldundiak onartu du Artomañako ur horniduraren obrak kontratatzea

Milioi eta erdi euroko aurrekontuarekin ekingo zaio obra horien lehenengo faseari, herri horretako ur hornidura hobetzearren, zeren, gaur egun, agorraldietan, tanga kamioien bidez hornitu behar izaten baitira herritarrak urez.

“Emakumea, deserria, edertasuna” erakusketa Bañueta Kiroldegian

“Emakumea, deserria, edertasuna”, maiatzaren 6tik 20ra bitartean Bañueta kiroldegian ikusgai egongo den erakusketa, Amurrioko Udaleko Berdintasun Sailak antolatu du. Argazki-erakusketa horretako obrak Errefuxiatuentzako Nazio Batuen Agentziak (ACNUR) bildu eta laga dizkio udalerriari. Hainbat argazkilarik egindako 20 argazki ikusi ahal izango dira

Orriak