Noticias

Ekaina 2016

Amurrioko kirolariei esker ona

Amurrioko Udalak ekitaldi xume bat antolatu du ostegunean udaletxeko bilkura-aretoan, arratsaldeko seietan. Ekitaldiaren bidez, Amurrioko kirolariei esker ona adierazi nahi zaie 2015-2016 denboraldi honetan izan duten kirol-ibilbide arrakastatsuagatik; izan ere, kirolari guztiak nabarmendu dira, bakoitza bere espezialitatean.

Bikarte Elkarteak ongintzako ekitaldia antolatu du ekainaren 25ean "Nidos de esperanza” ekimenaren alde

Bikarte Ongintza Elkartearen helburua da Errusiako eta Bielorrusiako haurrei laguntzea; horretarako, ekainaren 25ean, 19:00etan, ongintzako ekitaldi bat antolatu du Amurrio Antzokian. Ekitaldian, besteak beste, Udal Musika Eskolak, Hasperen abesbatzak, Udal Dantza Eskolak eta Aiara Dantza Taldeak parte hartuko dute.

Aiarako Koadrilak eta Udalek " Ez bota dirua zaborretara, birziklatu" kanpaina martxan jarriko dute

Kanpaina honen helburua herritarrak hondakinak gaika bereiztearen garrantziaz ohartaraztea da. Egun, hondakinen %25a bakarrik biltzen da gaika, horrek zera esan nahi du, errefusaren edukiontzira botatzen diren gai birziklagarrien kopurua oso altua dela.

Ekainaren 21ean eta 25ean, Amurrion hainbat jarduera egingo dituzte Arabako Nazioarteko Yogaren Egunaren harira

Ekainaren 21ean Arabako Nazioarteko Yogaren Eguna ospatuko da, eta Amurrion ere izango da nola gozatu: arratsaldeko 19:30ean, San Anton plazan, Mantras con Amor taldeak mantra-kontzertua emango du.

Amurriok Begibistan film laburren jaialdia berreskuratu du

Lau urteko parentesiaren ondoren, irailaren 28tik 30era egingo da herrian BEGIBISTAN 16, AMURRIOKO VI. ZINEMA ASTEA. Aurtengo lehiaketan, gainera, sail ofizialaren barruan sartu dute NERBIOIBISTAN, Aiara inguruko eta Nerbioi Garaiko film laburrak sustatuko dituen saila

“AMURRIOKO UDALAREN ERAKUNDE ADIERAZPENA, MOHAMED ABDELAZIZ HIL DELA ETA”

Gaixotasun luze baten ondoren, hil egin da Mohamed Abdelaziz, Saharako Errepublika Arabiar Demokratikoko presidentea eta Fronte Polisarioko idazkari nagusia. Hori dela eta, Amurrioko Udalak bere doluminik bizienak eman nahi dizkie haren familiari, saharar herriari eta Fronte Polisarioari.

Amurrioko HHIko zentroan matrikulatzea: Helduen Hezkuntza Iraunkorra emateko zentroa

EPA de Amurrio abrirá el periodo de matriculación para el primer cuatrimestre del curso 2016/2017 durante los meses de junio y septiembre. Se trata de enseñanza gratuita

Ate irekien eguna Aresketamendin

Ekainaren 18an, Aresketamendiko energia berriztagarrien parke tematikoan udako solstizioaren festa egingo da. Egun hori bat dator Aresketamendiren irekieraren hamargarren urteurrenarekin.

“Reforamurrio Enpresaldea” enpresen hazitegi eta zentroko moduluetan sartzeko deialdi berria

Ekainaren 1etik 30era bitartean zabalik egongo da Reforamurrio Enpresaldea enpresa-hazitegi eta -zentroko moduluetan edo bulegoetan (alokairu bidez) sartzeko eskaerak egiteko epea. Zerbitzuen sektorean (“bulegoak”) lan egiten edo egingo duten enpresa edo pertsona sustatzaileentzat dira lokalak.

Orriak